A. سنان ابن سنان
B. سنان بن عبداللہ
C. سنان بن مالک
D. ان میں سے کوئی نہیں
Submitted by: Rashid Mehmood
نام ونسب: علامہ ابن اثیر جزری لکھتے ہیں کہ:حضرت صہیب رومی رضی اللہ عنہ کا نام و نسب یہ ہے۔صہیب بن سنان بن مالک بن عبد عمر و بن عقیل بن عامر بن جندلہ بن خزیمہ بن کعب بن سعدبن اسلم۔آپ کی والدہ کانام،سلمی بنت قعید تھا اور آپ کی کنیت حضور صلی اللہ علیہ وسلم نے “ابو یحییٰ”رکھا تھا۔
{اسد الغابہ،باب الصاد والھاء،صہیب بن سنان،ج:۲/ص:۲۵}
حضرت انس رضی اللہ عنہ بیان کرتے ہیں کہ:رسول اللہ صلی اللہ علیہ وسلم نے ارشاد فر مایا:{دین حق کے بارے میں }سبقت لے جانے والے اور دوسروں سے آگے بڑ ھ جانے والے چار لوگ ہیں۔میں عرب والوں سے سبقت لے جانے والا ہوں،صہیب روم والوں سے ،سلمان فارس والوں سے اور بلال حبشہ والوں سے۔
{المستد رک علی الصحیحین للحاکم،کتاب معرفۃ الصحابہ،ذکر بلال بن رباح،موذن رسول اللہ صلی اللہ علیہ وسلم،حدیث:۵۲۴۳}
حضرت صہیب رضی اللہ عنہ بیان کرتے ہیں کہ: میں ہجرت کر کے رسول اللہ صلی اللہ علیہ وسلم کے پاس آیا ،اس وقت آپ کھجور تناول فر مارہے تھے۔تو میں بھی آگے بڑھ کر کھانے لگاحالانکہ میری ایک آنکھ میں بیماری ہو گئی تھی ،تو رسول اللہ صلی اللہ علیہ وسلم نے فر مایا:تم کھجور کھا رہے ہو حالانکہ تمہیں آشوب چشم کی بیماری ہے۔اس پر میں نے کہا کہ:میں اس آنکھ کے حصے سے کھا رہا ہوں جو صحیح ہے۔حضور اکرم صلی اللہ علیہ وسلم ہنس پڑے۔
{ المستدرک علی الصحیحین للحاکم ،زکر صہیب بن سنان رضی اللہ عنہ ،حدیث :۵۷۰۳ }
The correct answer to the question: "حضرت صہیب بن سنان رومی رضی اللہ عنیہ کے والد کا نام کیا تھا ؟" is "سنان بن مالک".
